PptxGenJS Presentation

[Audio] 歡迎查詢香港家庭計劃指導會男性結紮手術服務。 在你決定進行男性結紮手術之前，我哋希望此影片能為你提供所需嘅資訊，幫助你作出一個知情的選擇。.

[Audio] 男性結紮手術是一種安全有效嘅避孕方法，失敗率為2000份之1。作為永久避孕方法，重要嘅係：要注意手術係不可逆轉的。因此，在決定進行男性結紮手術之前，你應該慎重考慮，諗清楚其他嘅避孕方法會唔會更加適合.

[Audio] 避孕方法其實有好多種, 例如: 男用避孕套 ，女用避孕套，口服荷爾蒙避孕丸，荷爾蒙避孕針 ，子宮環，皮下荷爾蒙避孕棒 等等。 每種方法都有其優點同副作用，因此選擇最適合您需要嘅方法非常重要。.

[Audio] 我哋嘅男性結紮手術會以局部麻醉方式進行，醫生會先在手術位置進行消毒及局部麻醉， 然後在陰囊兩邊或中間開一小孔，將兩邊嘅一段輸精管切除。輸精管是將精子從睪丸輸送到尿道嘅管道。 切口末端會被封閉，以防止精子通過。 最後，在皮膚切口縫針，整個手術就完成。 男性結紮手術嘅原理係切斷輸精管，阻止精子排出體外，從而達致避孕效果。.

[Audio] 一般情形下，手術過程大概15至30分鐘，完成手術後，可即日出院。 手術後陰囊上會有一至兩個傷口，我哋會安排手術後一星期覆診。 通常，手術後休息兩至三天就可以恢復日常簡單工作，但建議兩星期內避免性交或者過度劇烈嘅體力活動。.

[Audio] 手術後，輸精管內仍然存有精子，大約需要3-6個月先能夠清除。因此手術後繼續使用有效嘅避孕方法至關重要。 我哋會喺手術後嘅第三個月，同第五至六個月，為你驗精。 如果兩次精液化驗嘅結果都顯示沒有精子，就代表手術成功，唔需要再用其他避孕方法。.

[Audio] 男性結紮手術係相對簡單嘅手術，但同其他手術一樣都有潛在嘅風險同併發症。 手術後有機會出現輕微疼痛，腫脹，陰囊瘀黑嘅情況，通常會喺一至兩星期內自行舒緩。 另外手術後，可能會有傷口或陰囊發炎，血腫、精子肉芽腫、慢性睪丸或陰囊疼痛等嘅併發症風險。 你可以放心嘅係，你嘅性慾、勃起和射精嘅唔會受到影響。.

[Audio] 如有以下嘅情況，請打2919-7771與我哋聯繫或前往附近嘅急症室尋求緊急醫療服務。 疼痛和腫脹突然加劇或過了幾天都沒有好轉， 發高燒， 發現傷口有血、膿或液體滲出， 睪丸周圍出現腫塊並變大。.

[Audio] 跟住我哋就講吓手術嘅申請流程， 當睇完呢條片，如果你想喺本會申請手術，可以打2572-2222或者上家計會網站預約時間見我哋護士同醫生進行評估。我哋鼓勵你用多一啲時間慎重考慮你嘅決定並與你嘅伴侶討論。因此，我哋將預約安排噝兩個月後。 已婚人士在評估當日，須要同太太一齊嚟了解手術細節，記得帶身份証，結婚證書同所有子女嘅出世紙。 護士會評估你哋對結紮手術嘅理解，如果需要，我哋將提供更多資訊同輔導。醫生將評估你哋健康狀況同夫婦關係，以確定你是否適合接受結紮手術。如果評估為適合，就可以交錢排期做手術，我哋希望你有充足嘅時間考慮清楚，所以會安排手術噝3個月後進行 手術當日預留2-3小時喺我哋日間醫療中心，手術過程大約15至30分鐘，但噝需要時間為你作術前準備同術後監測。你可以即日出院，術後休假視乎個別需要，病假日數將根據每個人嘅具體情況而有所不同。 做完手術後一星期要番嚟見護士檢查傷口。 如果傷口情況理想，就會進行兩次精液化驗: 第一次嘅化驗，噝手術後三個月，之後再隔多兩至三個月就進行第二次嘅精液化驗， 如果兩次精液化驗結果都顯示沒有精子，就代表手術成功。.

[Audio] 我哋嘅男性結紮手術係以套餐形式收費，套餐包括一次嘅術前評估，一次局部麻醉嘅男性結紮手術，一次嘅覆診跟進同埋兩次嘅精液化驗。 喺評估日，需要繳交護士及醫生評估費$430，如果適合做手術，就可以交埋預約手術嘅費用$3,300，當中有$300係唔能夠退返嘅行政費，喺手術當日就要交埋尾數$4,920，手術後一切喺套餐內嘅項目都係唔需要再收費。.

[Audio] 最後，我哋要強調嘅噝：男性結紮手術噝永久性且不可逆轉嘅手術。對您同您嘅家人嚟講係一個重大決定。 鼓勵您同您嘅伴侶充分討論並達成共識。 在考慮您嘅選擇時，您可能想探索其他的避孕方法。請慢慢仔細思考，避免倉促做出不可逆轉嘅決定。 感謝您嘅觀看。 我哋希望您睇完呢段影片後，更了解男性結紮手術。如果您有任何疑問，歡迎搵我哋傾吓。.

[Audio] 有興趣申請我哋嘅男性結紮手術 請致電25722222或者使用網頁嘅預約申請. 立即申請預約.