MIZO NATIONAL FRONT GENERAL HEADQUARTERS, AIZAWL, MIZORAM

MIZO NATIONAL FRONT GENERAL HEADQUARTERS, AIZAWL , MIZORAM.

1. Khawvel pum Covid hripui lêngin a tihbuai laia Mizoram Sawrkar Pu Zoramthanga kaihhruaiin rang taka hma la a, Pathian au chunga remhre taka Kohhran leh tlawmngai Pawl te thawhpui a, invên dan tur fel tak a duan vangin nasa lutuk lova hripui kan tuar ta hi a lawmawm kan tiin, chhuanawm kan ti a..

2. Mizoram leh Assam ramri buai mêka Mizoram Sawrkar Pu Zoramthanga kaihhruai sawrkarin huaisen taka a hmachhawn dan hi țha kan ti a, ramri chhehvela hmasawnna nasa tak a thlen mêk hi ropui kan tiin , kan ram humhalhna tura a hmalakna hi kan thlawp tlat a ni . He ramri buai chingfel tura sorkar hotuten inbiakna hmang a hma an lâkna hi țha kan ti ..

3 . Covid 19 hripui lêng avanga khawvel pumpuiin sum leh paia nasa taka harsatna a tawh lai a, Pu Zoramthanga kaihhruai Sawrkarin mipui hnena SEDP sem thei tura hma a la thei hi lawmawm kan ti a, chhungkaw tam tak tan malsawmna leh eizawnna kawng siam saktu a nih dawn avangin Sawrkar hmalâkna hi kan chhuang takzet a, chhungkaw tam zawkin an dawn zel pawh kan duhsak hle a ni ..

4. MNF leh India Sawrkar inremna thuthlung anga Bangladesh Sawrkar nen Border Trade hmanga insumdawn tawnna tur Mizoram sorkarin chak taka hma a la zel hi țha kan ti a, Ram tan mêllung pawimawh tak a nih dawn avangin lawmawm kan ti takzet a ni.